مقـــــــــــاطع دوبيت لكل محبيه

احد شعراء البطانة في وصف البنات

وسط الدارة نزلن من قصورن

عامن شوقن قلبي البدورن

هج وضج في ودعيني نورن

وطابت روحي من نفحة عطورن

قمر السبعتين قدلت حمامة

غطت جملتن متل الغمامة

محزوز جيدها فوق بانة قوامه

مجروح ريدها وين يلقى السلامه

احد شعراء البطانة يصف البطانة في الخريف

حرقوصك نتل جاب من هواك دعاش

خيم فوقك الليلي ومكايل هاش

اتهتم سماك اسقى الكانوا عطاش

عربك تالته واقفين لابرش لافراش

ركزنلك بروقك عكلن قيزانك

انهلن بشايرك واستعد عربانك

اتلقن سحابك نع فوق وديانك

بي فرحة وطرب دقو الرباب عربانك

كنت همباتي عشان كده عايز اديكم من شعر الهمباته مقاطع

انا ماني التنبل الفي البيت صنعتي حليب

بدور الشدة فوق ابلا شوافي ونيب

ان حرت نخت الشكرة مابنعيب

وان بردت نكافيبهن سوالف ام طيب

****************************** ******************

كم شديت على تيسا بسوك الناب

وكم جايب زمل من الرهد كساب

حديث الناس كتير **ماعندي ليه حساب

انقطع اللسان يافاطنه ابوك ان عاب

****************************** *********************

كم شديت علي تيسا بهمك الغلة

وكم غوص بهن لامن سهيرن حل

ودمكة بيقول ياخالي كيف الحلة

من سوقن حلف بلال جنى خادم الله

****************************** ******************************

كم شديت على ضهر البهمك الشوف

وكم كرف قرونا عبكن دايوك

امانه ياحسن تأخد الولدوك

ياتو الخلسك وقت العساكر جوك

رباعيات في الفخر
انا التوب العشاري الباهي زيقو
وانا الدابي ان كمن للزول بيعيقو
وانا فراج الرجال وكتين يضيقو
وانا المامون علي نسوان فريقو
***************************
في السودان قبيل مابشبهوك بالناس
ياجبل الدهب الصافي ماك نحاس
بارود انتصارك في عمرة الكباس
خليت المجوس الين من القرطاس

سلمت يداك
أخي ثاقب
لما تتحفنا به من توثيق ما قد يندثر مع الأيام
دمت بخير ولك كل الود
وكون لنكون ولا تحرمنا
بوحـــــــك